Ek het in 2002 Kyokushin Karate begin beoefen.  Hoewel my motivering aanvanklik was om gewig te verloor, het dit gou ander voordele vir my begin inhou. Buiten die ontwikkeling van fiksheid, krag, koordinasie en balans is daar altyd 'n nuwe uitdaging.  Omdat dit soveel konsentrasie verg, kan 'n mens nie aan iets anders dink terwyl jy oefen nie. Dit beteken dat jou brein volkome van stresvolle situasies vergeet. Ek beveel dit sterk aan vir kinders wat konsentrasie probleme het.

Karate speel 'n groot rol in my lewe. Ek sou baie meer ongeduldig en aggresief gewees het as dit nie vir die sport was nie. Shihan Riaan is soos 'n pa vir al sy studente. Hy het my gewys waartoe my liggaam in staat is nadat ek al moed opgegee het. Hy het my baie dissipline geleer en my geleer om nooit moed op te gee nie. 'n Student van Shihan Riaan gaan baie selfvertroue kry en gaan leer hoe om homself te verdedig indien hy/sy die dag sou moet. Jy weet ook dat jy die regte onderrig kry.

Ek neem al ongeveer 8 jaar karate by Shihan Riaan Nel. Shihan pak elke klas met 'n positiewe gesindheid en baie geduld aan. Hy is baie gedetermineerd en 'n goeie rolmodel wat enige iemand kan karate leer. Niemand is te oud vir hierdie sport nie. Karate het my meer selfvertroue gegee en my geleer hoe om doelwitte te bereik. My koordinasie, konsentrasie en algehele fiksheid het verbeter.Shihan het my dissipline en volgehoue harde werk geleer.